19 – 22 yanvar SEAMO final mərhələsi keçiriləcək.

19 – 22 yanvar tarixində Sinqapurda Cənub-Şərqi Asiya Riyaziyyat Olimpiadasının (SEAMO) final mərhələsi keçiriləcək.

Tio.edu.az istinadən xəbər verir ki, olimpiadanın Azərbaycan mərhələsi 22 oktyabr 2023-cü il tarixində baş tutub. Ölkəmizin dörd bir yanından olimpiadanın seçim mərhələsində şagirdlər iştirak ediblər.

Hədəf Şirkətlər Qrupu bu il ilk dəfə ölkəmizdə təşkil olunan SEAMO-ya nümayəndəlik edib.

Final mərhələsində 25 ölkənin iştirakı gözlənilir. Final imtahanı yanvarın 21-i “Suntec City Convention and Exhibition Centre”də, mükafatlandırma mərasimi isə yanvarın 22-si “Resorts World Sentosa”da təşkil olunacaq.

Final mərhələsinə vəsiqə qazanan azərbaycanlı şagirdlərin adlarını qeyd edirik:

Fikrət Qafarov
Aliyə Nəsirli
Nur Nəsirli
Rəsul Novruzlu
Rasim Mirzəməmmədli
Rafi Rafiyev
Aylin Həsənli

Səyahət Hədəf Şirkətlər Qrupunun qurucu direktoru Şəmil Sadıqov və Hədəf Olimpiada və Xaricdə Təhsil Mərkəzinin rəhbəri Yaşar Zeynalovun rəhbərliyi altında baş tutacaq.

Qeyd edək ki, 2016-cı ildən dünya üzrə keçirilən SEAMO-nun seçim və final mərhələsi hər il 60 000-dən çox şagird və 20-dən çox ölkənin iştirakı ilə baş tutur. Bu il iştirakçı ölkələr və finalçılar arasında Azərbaycan da var.